Prezioak:

2008ko zer eta zenbat	Prezioak
Tandem jauzia	210 €
Egun berean eta gutxienez 10 laguneko (gehienez 30 eguneko) eskeintza berezia	195 €
Tandem jauzia eta bideo grabaketa  DVD - R edo VHS formatoan (ordubete geroxeago ematen da) Aldez aurretik adostu behar da erreserba egitean	280 €
AFF Jausiera askearen bidezko ikastaro trinkoa (7 jauzi)	1.750 €
3.500 metrotik CPP lizentziadunarentzako lekua	30 €

Prezio hauek abisurik gabe alda daitezke

---

Tandem jauzia egiteko 14 urte izan behar gutxienez (18 urteko baino gazteagoek guraso baten baimena izan beharko dute). Ezin da 90 kg baino gehiago izan.  80 kg. gainetik haize egokia egon behar da. Tandem jauzia egiteko datu fitxa eta arrisku onartze agiria sinatu beharko dira.

Kirola egiteko oinetakoak behar dira (ez mendiko botak) eta ondo berotzen duen jantzi erosoa (forro polarra eta berotzeko zerbait azpian).

Normalean erreserba egitean edo egun batzuk lehenago telefonoz ordu bat adosten da, eskuarki jauzia egin baino ordu bat lehenago. Erreferentzi ordu  hau ez da zehatza eta ez da loteslea. Parakaidismoa kalean egiten da eta metereologiaren menpe dago. Seguritateak lehentasuna du erabat eta horrexegatik edo jauzien antolakuntza dela eta ordutegia alda daiteke, aldaketa hauek batzuetan oso nabariak izanik.

Jauzia bete-betean gozatzeko aurreko gauan ondo lo egin behar da. Halaber, jauzi egunean (eta aurreko gauan ere hobeto) ezin da alkohol zipitzik ere edan.

Erreserba: Tandem jauzia egiteko  aldez aurretik erreserba egin behar da ondoko telefonoetara deituz: 609 060622 / 609 401800. Behin adostua, 60 € laguneko banku sarrera egin behar Zaragozako Ibercajaren 20. bulegoan  Centro de Paracaidismo Pirineos izenean dagoen ondoko kontuan 2085-0121-41-03-301026-20. 

Garrantzizkoa: Banku sarrera egitean idatzi argi eta garbi izena, zenbat lagunek egingo duten jauzia eta adostutako data. Honela transferentzia heltzean erreserba itxi dezakegu. Izan ere, ez duzue aldez aurretik justifikagiria bidali behar baina jauzi egunean ekarri egin behar duzue.

Erreserba ez da irmoa izango banku sarrera egin eta jaso arte, horrexegatik sarrera telefonoz adostutakoaren biharramunean egitea gomendatzen dizuegu. Horrela egin ezik, baliteke beste talde batek egun bera eskatzea eta aurreratzea zuk seinalea egina izan arren, agian zure data aldatu beharko duzu (horrela izanez gero beste data bat eska zenezake edo diruaren itzultzea).

Esandako banku sarrera seinaletzat hartzen da eta edozein arrazoirengatik ez bazara agertzen adostutako egunean galtzen da. Sarrera egin ondoren data aldatu nahi edo deuseztatu nahi baduzu ahalik eta lasterren jakinarazi beharko duzu. Beste batek edo talde batek data hori hartu nahiko  balu dirua ordainduko genizuke bestelakoan seinalea galtzen da.

Akordio bategatik edo eguraldiagatik adostutako datarako jauzia deuseztazen bada hiruhilabeteko epea dago, luzaezina eta maximoa, jauzia egiteko. Edozein arrazoirengatik jauzia egin behar duenak edo dutenak ezin badute agertu seinalea galduko da betiko.

Eguraldiagatik, seguritateagatik edo beste edozergatik arduradunek edo  irakasleek jarduerak bertan behera utz ditzakete. Egoera honetan, aldez aurretiko erreserba dutenek beste data aukeratuko dute (libre dagoen bat eta beti hurrengo hiruhilabetearen barruan) edo seinalea oso osorik berreskuratuko dute, bestelako edozein konpentsaziori (bidaia, hotela etab) uko eginez. Guretzat seguritatea oinarria da eta beti lehentasuna izango du.

Jauziaren grabaketa nahi baduzue aldez aurretik adostu behar duzue, beti ezin delako zerbitzu hau eskaini.

Aerodromoaren instalazio guztiak zuretzat eta zurekin datozenentzat daude, jatetxea (menua, otartekoak, plater konbinatuak prezio egokian), igerilekua etab egun osoan zehar. Udan, ekarzu bainujantzia eta erabili gure igerilekua musutruk egun ederra izateko.

Centro de Paracaidismo Pirineos-en tandem jauzia egiteko seinalea ordaintzeak gure arauak ezagutu eta onartzen dituzula suposatzen du.