Jatetxea eta igerilekua       

Gure jauzi zonan taberna-jatetxea eta igerilekua dauzkagu, hauek aerodromora zatozten edonork erabil ditzakezuelarik, honela bertan egindako egotaldia atseginago eta errazago egingo zaizue. Jatetxean menua ala karta dituzue aukeran eta nahi izan ezkero enkarguz bazkari edo afari bereziak gerta daitezke ospakizun ezberdinetarako (ezkondu aurreko agurrak, urtebetetzeak…).

Udako egun berotsuetan aerodromoko erabiltzaileek eta jatetxeko bezeroek nahi bezala erabili dezakete jatetxearen hego-terrazan dagoen igerilekua. Modu honetan erabiltzaile,bezero eta lagunek egotaldi atseginago eta itxarote tarte laburragoak izango dituzte. Ahaztezina suertatzen zaio pertsona askori, tandem jauzi baten bitartez gure kirol hau probatzera etortzen direnei zein paraxutistak direnei saltoen arteko tarteetan, igerilekuan bainu bat hartu izana edo belartzan jarrita freskagarri bat hartu eta erlaxatzen egon izana.

Igerilekutik zein jatetxeko ipar-terrazatik aerodromoaren jarduera aeronautikoa oso gertutik ikus dezakezue. Bertatik hegazkin ezberdinen (Motordunak eta motor gabeak) aireratze eta lurrartzeak, paraxutisten hegazkinera igotzeak, paraxutisten hegaldiak eta lurrartze ikusgarriak,etab.  

 

---